Manok puteh bulee jih saboen
Ka jitoh boh phoen lam paleut jaroe
Lagee gata ureung meu kawoem
Sedeh untoeng loen aneu meurantoe
Puteh ie mata leubeh lom ie mboen
Teh beungoh jitroen jisiram bumoe
Gata ureung na kaya meulamboeng
Meunyoe di uloen ban glanglang cot uroe
Bungong keureutah mirah meususoen
Ramee gob sanjoeng bungong ie mawoe
Nyoe susah gata na ureung tuloeng
Susah hatee loen hoe keuh loen puwoe
Mangat boh panah leubeh boh sukoen
Boh panah haroem boh sukoen bangoe
Gata le soe ngieng pujoe ngon sanjoeng
Meunyoe nasib loen hana soe hiroe
Mangat jileupak watee top tupoeng
Ureung meuroen-roen keunan meusahoe
Ibarat gata bu dalam tangloeng
Umpama diloen aweuk bak jaroe
Meulaboh; 22-09-2008
BAKOPI MEULABOH 
g ngrti dechhhhhh
mangat that tabaca