Ramee that ureung tangieng dalam toeng
Lam buek keutupong tubiet suara
Di teuka apui roet taloe tutoeng
Nyoe got talindong di tubiet syahaya
Roet beusoe dilee ie duem meusintoeng
Meucret jeut juroeng dusoen ngon kuta
di phoe ngon beusoe manyang meulamboeng
Sujieh meuranggoeng ban saboh donya
Reunong ceumeucoet panyang eh kitoeng
Babah jieh mancong jioh meuraba
Ngoen reugam jaroe mariet u gampong
rumoeh ka jiplueng bak jalan raya
ureueng meutani atau meukeuboen
koen lee ngoen cangkoi ngoen keuebeue kuta
meunan keeuh geukheuen lee indatu loen
ka nam reutoeh thoen jinoe ka nyata
hana geupeugah seucara langsoeng
jeuet mangat meuephoem tanyoe boeh makna
bahsa isyarat haba menyinggoeng
gobnyan ka meuephoem ta tafsir teuema
singgah sebentar disini
