Jeumot

Jaroe Tameugrak Mumet Lee Gigoe
Pruet Teuka Troe Babah Meurasa
Meuyoe  Jaroe Brat Meuganceb Gigoe
Kareuna Beu-o Panee Troeh Harta

Meugrak Ngon Gaki Meu ayoen  Jaroe
Teuhah Ngon Gigoe Ta Peugah Haba
Kareuna Gigeh Teuntee Meukeudoe
Adak Hana troe Bacut Katarasa     speedy

Adak Hana Le Kaglah Sigoe Troe
Kameu- Eek Cako Gigoe Di Gata
Peulom Nyoe  Jeumot Malam Ngon  Uroe
Bah Cula-Calo Tajak Meumita

Beuna Tatinggai Atra  Uroe Nyoe
Bek Habeh Sigoe Pikee Keu Lusa
Nyoe Kana Harta  Kaglah Keudroe-droe
Laju Kasampoe Peu nyan Tacita

Nyan Bek Le Peugah Tapubuet Beu-o
Mate Keudroe- droe Hana Soe Kira
Menyoe Kana Pheng Di Dalam Jaroe
Ciet Ka Ditusoe Nama Di Gata.

Meulaboh:22-02-2008

Untuk situs yang juga menyajikan hal serupa, silahkan klik disini

waspada

Peut Kalimah

Lailahaillallah Peut kalimah jinoe loen bagi
Lailaha tuboh aku Illallhu nyan keuh Rabbi
Lailaha Muhammadon Illallahu Zat Hakiki
Lailahaillah peuet kalimah uloen peunyata

Kalimah La bulee ngon kulet watee tarateb tanafi beuna
Klimah Ilaha daging ngon darah tanafi beusah waham ngon sangka

Peumeugureh seulaen bak Allah taboh beupantah taingat makna
Klimah Allah tuleung ngon urat ta istbat zat Allah Hakiki

Allahu didalam utak muthlaq zat Hu Qadim Baqa
Lailahaillallah dua blah haraf bandum tabaca

Oh ta zikkir Peut kaliamah tafham beubagah bak maseng jeumba
Mata geulinyueng hidoeng ngon babah Jaroe dua blah gaki ban dua

Lahee pih tujoeh Baten pih tujoeh Tangloeng Allah Ka ubak Hamba
Lailahaillallah Kalimah Thaibah phoen-phoen loen mula

La di pusat Illaha di uneun Illa takeun lam loeng kiri
Watee takeun Laillaha beuseujahtra Ujud diri

Kalimah Allah utak ngon minyeuk Muthlaq Zat Hu Qadim Baqa
Tuboeh hatee nyawong ngon see Ta zikee Lailahaillallah

Tuboeh hatee nyawong ngon see keun zike Lailahaillallah
Lahee Ma`but tapandang Abet Tarateb Kalimah Lailahaillallah

Peut Kaliamat Keuneubah Guree

Meulaboh:  20-05-1994

Untuk syair senada juga bisa dilihat disini

Tayue

Ta meukat sira didalam hujeuen
tateuemaguen lam badee raya
ta meugoe blang ‘oh musem khueng
ta jak meuraheueng bak ureueng hana

taseuet kuala oh di euek paseueng
ta jak lhoep ie krueng watee ie raya
tajak theuen bubee oh peuengeuh buleuen
ta asah peudeng oh prang ka reuda

tajak keumaweu han tamee umpeuen
tajak u mideuen oh hana raja
tajak bak teungku oh ka teudoeng seueng
taboeh keu naleueng bak tameh hana

tayeue meu itoeng bak ureueng kureueng
tayue meulamuen bak nyeung geumbira
tayue peudamee bak ureueng budueng
tayue meujangeuen bak tan suara

tajoek judoe bak ureueng han tueng
tabrie peuteumuen bak aneuek paja
nyoe keueh seubab punca meureuhueng
salah bie bulueng karue tiep masa

Mboeng

Sioen bajee thoe di badan
nariet sang-sang ureueng kaya
kadang sangeu soeh makanan
penampilan aneuek raja

bak atra goeb geu meuseuenang
barang pinjam geu meuegaya
oh tadeuengoe haba manyang
sang nibak sang woe di luwa

watee geujak geutiek linggang
bahoe manyang busoeng dada
watee geuduek dalam kawan
gop geupandang ngoen ikue mata

hana leu yuem handai tolan
habeih reuenggang ngoen silingka
seubab kana laen rakan
gadoeh sayang kawan lama

meunan sifeuet bek na sajan
ji-oeh rakan ngoen syedara
hudeep nyoe han pue that garang
cukoep reumbang sederhana

Keupue

Teungoeh teuga jak meulampoeh
na pue pajoeh jampang saket
peubuet keudroe tan sakoen roeh
nyoe tan buroeh buet pih seumpet

keupue leu peng ka meubungkoeh
taseumajoeh iret-iret
keupue caroeng bak meuratoeh
peubuet han roeh haba sulet

keupue rakan jidoeng ji-oeh
oeh na musoeh lagee taleut
‘oh tapeureuelee sidroe han troeh
saban that roeh lagee pijeut

keupue kaya han sahoe roeh
han geu teim lhoeh ureueng seumpet
pakoen gasien han pue pajoeh
beu-oe tuboeh keureueja phet

keupu malem ileumeue geu troeh
tan geue suloeh ureueng maksiet
keupue meuseujid dum meureuetoeh
hana riyoeh soe meu rateib

Meulaboh 01-03-2008

Perjalanan Usaha Bakopi

Saya mengawali usaha ini dari penjualan jamu pada tahun 1995, sampai dengan tahun 1999. Selanjutnya pada akhir tahun 1999, Aceh mengalami krisis besar konflik yang membuat masyarakat Aceh merasakan kesulitan dalam menjalankan roda perekonomiannya. Begitu juga yang pernah saya rasakan sendiri. Saat itu, usaha yang saya lakukan juga mengalami ancaman, misal saja masyarakat Suku Jawa yang menjadi partner kerja memilih untuk mengungsi kembali ke tanah Jawa,meninggalkan Aceh. Dengan itu juga mnenjadi sebuah hambatan bagi kegiatan saya. Dari sana, saya mengambil inisiatif untuk menjalankan usaha gilingan bumbu, tepung dan kopi. Menerima jasa dengan cara diongkos oleh masyarakat.

Dari saya terpikir untuk melakukan kegiatan menggiling kopi sedikit demi sedikit seperti yang pernah saya lakukan saat masih muda. Ilmu tersebut juga saya dapatkan karena kemauan untuk belajar dari rekan yang telah lebih mampu melakukan itu, sekalian saya juga bekerja padanya.

Pada Tahun 2000, perlahan saya sudah semakin antusias untuk menjalankan kegiatan usaha bubuk kopi, dan ini berjalan sampai saat ini.

Sejauh ini, usaha ini sempat juga terbentur dengan kendala seperti umumnya sebuah usaha bisnis lainnya, terkendala dengan persoalan modal yang sulit didapat. Pada 2006, sebagai rangkaian dari program on post Tsunami, Mercy Corp memberikan bantuan berupa bantuan kredit lunak. Dari modal tersebut saya perguanakan untuk membngkitkan usaha yang sempat terjhenti oleh Tsunami yang melanda Aceh pada 2004. Selain itu, pada 2009 persisnya pada Mei, saya juga dibantu peralatan kerja seperti mesin penggerak seharga Rp 14.850.000  dari lembaga PINBIS. Untuk itu, lewat media ini saya ingin menyampaikan terima kasih sebesar-besarnya kepada kedua lembaga tersebut yang telah berperan cukup penting dalam upaya menjalankan usaha bisnis ini.