Firman Tuhan Lam Al-Qur`an nyoe loen baca
Surat As-Sams sikureung, siploeh lam aksara
Qad Aflaha Man Zakkaha
Wa Qad Khaba Man Dassaha
Bahagia that soe ureung nyang pegleh jiwa
Sunggoeh rugoe soe peukutoe dum jiwanya
Hingga lengket nibak hatee beena desya
Dalam nadham bacut neufham peukeundala
Nyang keuh seubab jeut takbir hijab rasa
Sinan lahee dum peunyaket jeut keu desya
Na limong blah hai meutuah bandum punca
Dalam hatee bandum reulee amal gata
Hasad arti iri hatee ngon seusama
Haqad dengki atau beuci keu manusia
Di Suuzzan salah waham deungon sangka
Kibir sombong mbong soe kalon bak syedara
Teuma U`jub meurasa droe leubeh seumpurna
Peudeuh-peudeuh keuleubehan geukeun Ria
Peuleumah nan keumasyhuran geukeun Sum`a
Geukeun Bukhul uereung nyang kliet dalam doenya
Lom Hubbul Mal ureung gumpoi hareuta beunda
Tuwoe matee bak sang sabee dalam doenya
Di Tafahur tuwoe syukur droe geu bangga
Geukeun Ghadab teuga beungeh jeut kutika
Geukeun Ghibah ta meu upat tiep-tiep masa
Di Namimah keun meulikoet hana reuda
Meunyoe Kizib sabee sulet atau dusta
Nyoe Khianat peu amanat di inanya
M.N.Bako
Kutpameu,25 Sept 2009
