PASAL KE II

Abu Ibrahim Waila,Salah satu U`lama Sufi di Abat Modern,Tapi Beliau Telah di jemput Kembali Oleh Sang Pencita,Beliau paling di segani oleh kawan dan lawan, sebab sifat beliau selalu memaafkan terhadap ummadnya, kelebihan beliau bisa menemukan beberapa tempat pada saat yang sama dan tau saat-saat belum terjadi di kemudian hari, tapi beliau memberikan dengan banyak bahasa icarat yang kadang kala kita tidak sanggub untuk membacanya,misalnya saja beberapa hari sebelum Tsunami tiba, dia selalu memberikan tanda, bahu kiri dan kananya selalu bergoyang-goyang ,karna  kita yang awam ini tidak tau apa maksut Abu melakukan hal-hal yang aneh pada saat, namun setelah Tsunami dan gempa bumi menggoyangkan bumi ini, baru saat itu kita berpikir mungkin itulah isyarat Abu itu tadi.Smoga Arwah beliau di terma disisi Allah Swt. dan kita mengharapkan selalu kepada Allah,agar cepat ada penggantiannya. menurut Khabar berita baru, sudah ada pengganti beliau saat ini tapi beliau belum muncul di permukaan, yang namanya Tgk Pelita Alam…..??? untuk lebih jelas klik disini

ALFASHLUTS TSANI FIBAYANID DALIILI WATTA`ALLUQI

Pasal nyag dua jinoe loen peugh
Dalil na Allah loen peunyata
La-en nibak nyan loen boeh sajan
Sifeut Tuhan Taklok  jieh na

Loen boeh sual jaweub sajan
Jinoe loen keun ban deungoe nyata
Toh keu dali wahai toulan
Wujud Tuhan pih takeun na

Zat ngon sifeut hana hana meukrie
Hantom ji-eu oleh mata
Barang kasoe hantom ji kalon
Pakrie takheun wujud jih na

Zat han meukrie sifeut han muban
Leumah pih tan ta-eu rupa
Teungku deungoe uloen peugah krie
Wujud dali zat yang Esa

Daleil Wujud na zat Tuhan
Baharu alam sigom doenya
Toh ri alam cuba peugah
Loen deungoe sah tapeunyata

Tiep-tiep maujud la-en bak Allah
Nyang keuh nyang sah alam nama
Misee `Arasy ngon kurusi
Misee bumi langet doenya

Jen ngon insan malaikat
Jeuneh lat bathat asoe doenya
Nyan keuh alam uloen peugah
Ladum leumah ladum hana

Misee nanggroe likoet buket Qaf
Luah-luah Nabi peukhaba
Pat beutatee bahuru alam
Peugah toulan loen deungoe nyata

Gata goh na jih kadilee
Bit beu tatee baharu nyata
Misee langet ban ngon bumoe
Goh na tanyoe jih ciet kana

Teungku deungoe loen peugah krie
Nyan jeut dali baharu nyata
Lazem bak alam `Aradh bak nyan bahru
Nyang keuh teungku ciet ka nyata

`Aradh teungku han loen turi
Pakrie-pakrie saleh rupa
Hartoe `Aradh han dong keudroe
lagi perbaikan………………………..

`Aradh jidong jih bak jiriem
Misee takhem manusia
Miseu puteh bak keureutah
Miseu mirah bak keusumba

Miseu rasa bak makanan
Miseu bebewan dong bak bunga
Miseu tutoeng dong bak apui
Miseu dirui angen bawa

Miseu ilmu dong bak insan
Miseu saketan bak anggota
Nyang keuh `Aradh kaloen peugah
Ladum leumah ladum hana

Pat beutatee baharu `Aradh
Toh peungeunal ci peunyata
Teungku deungoe uloen peugah
Ubah-ubah ruk-ruk masa

Meujan meu-iem meujan meugrak
Dilee budak dudoe tuha
Si-at sijuek si-at tutoeng
Ladum seudoeng ladum nika

Meujan ji-ek meujan ji troen
Kaya gasien agam dara
Misee riyeuk ngon geulumbang
Munyueb manyang ta-eu rupa

Jiphoet riboet beudoh geulumbang
Deuh tapandang deungon mata
Si-at hujeun si-at keumarau
Meunan bagoe dum peukara

Hudep matee dum seukalian
Kana nibak alam doenya
Nyang keuh dali baharu `Aradh
Seumpurna `aqal soe tem kira

Nyan keuh loen keun dalil na Tuhan
Baharu alam sigom donya
Sifeut dua ploeh wajeb tathee
Seubab tateumee dalil jih na

Toh keu dalil nyang jeut tathee
Pakrie ilmee cuba nyata
Jinoe loen kheun wahee sahbat
Dali na teu lee pat bak meunghingga

Siploeh sifeut alam dalil
Jinoe loen krie tabileung sa
Sifeut Wujud ngon Wahdaniah
Keuteulee tsabet Hayyat nama

Qudrah Iradah Ilmu Hayyoen
Qadiroen Muridoen sikureung ka
Siploeh Sifeut nan Ilmu
Dalil alam ban sineuna

Adak hana siploeh sifeut
Alam hanjeut neupeurupa
Nyan keuh sifeut dalil loen peugah
Jinoe loen kisah yang keudua

Nyan nam sifeut dalil kitab
Hadist ijma` kheun ulama
Meurad kitab firman Allah
Meurad Hadits kheun Ambia

Meurad ijma` muwafaqah Syehk
Hana ubah bak bicara
Sama` Bashar keuteulee Mutakallimoen
Dum taslem maseng tangga

Adak hana hadist Firman
Sifeut yang nam han soe the  na
Dua nyangka jinoe nyang  keu lee
Maseng sukee teumpat jih na

Peut sifeut tok sifeut Tuhan
Dalil jinoe dua perkara
Hartoe droe perhentian
Meugisa raban ilang sutra

Peut suku jih ji mupreh-preh
Peu hanjadeh lom kubunggka
Peut suku jih tulak dikeu
Jikheun pergi dilee  gata

Teuma jijak meukawan-kawan
Sajan-sajan meugisa-gisa
Ban peut dilee ban peut dudoe
Pakri adoe ngon bicara

Ban peut dilee ji anggar droe
Ban peut dudoe ji meudawa
Dakwa jih nyan …..perbaikan hal.13
Nyan lagee droe droe saboh rupa

Meunan keuh misee saboh atoe
La-en pih le bak bicara
Han keuh meuri phoen ngon akhee
Nyang keuh misee lon calitra

hartoe Tasasel peuraturan
Habeh jih han bak tahingga
Ban misee nyan riyeuk di laoet
Meu atoe turoet hana reuda

Riyeuk meu aloen seun-seun sidroe
Hana padok keunan ji teuka
Maseng-maseng na soe ikoet
Bineh laoet dum ji teuka

Ji seumpom droe seun-seun -saboh
A`kal gadoh bak tahingga
Buet taseusal han sineuleuh
Maken ateuh makin lanja

Tuhan geutanyoe hana baharu
Han ban laku miseu gata
Sifeut nyan phoen jih nyan Qadim
Teuleuh nibak nyan teuma Baqa

Mukahalafah dan Qiamuhu
Peut teurteuntu kaseumpurna
Habeh hisab ban dua ploeh
Tanda uloen boeh pih kanyata

Miseu nyangka ban loen peugah
Ingat sahbat bek talupa
Sipeut dua ploeh kaloen peuturi
Habeh dalil pih kanyata

Taklok jih teu lee masuk jih peut
Neupham beujeut bek meutuka
Teungku deungoe uloen peugah
Masuk siblah bak istighna

Hartoe Istighna kaya Tuhan
Nibak alam dum barang na
Hana sapat neutueng manfaat
Kaya meuhat nan tiasa

Langet bumoe ureung seumbah
Han ubee drah leubeh mulia
Adak han sidroe pih tem sujud
Hana bacut kureung mulia

Nyan keuh nyan nyoe kay muthlaq
Han neukeundak ubak hamba
Jinoe loen peugah sifeut siblah
Deungoh beusah loen calitra

Pertama Wujud keudua Qadim
Teuleuh nibak nyan turma Baqa
Mukhalafah Qiamuhu
Bima Lakum tafham makna

Sama` Bashar lapan Kalam
Sikureung Sami`on sifeut mulia
Siploeh sifeut nan Bashiroen
Mutakallimon kaseumpurna

Adak hana sifeut siblah
Han sah Allah takeun kaya
Sifeut siblah  kaloen peugah
Masoek jih sah bak Istighna

Sikureung sifeut hoe ji tamong
Peugah meukeunong bek meugisa
Bak Iftaqar masoek sikureung
Deungoe loen bileung hai syedara

Hartoe Iftiqar dum berkeundak
Ubak  Zat Hak Tuhan yang Esa
Ji meukeundak ciet jina hal
Hana sagai pih na reuda

Hudep matee saket mangat
Bak Hadharat ynag Kuasa
Jinoe loen peugah sifeut sikureung
Sir tabileung loen keun nama

Pertama Hayyat dua Ilmu
Iradah laju lee takira
Keupeut Qudrah limon Hayyon
Nam Muridoen geuboh nama

Tujoeh A`limon lapan Qadiroen
Ma`nawiyah geukeun nama
Sikureung sifeut Wahdaniah
Habeh keumah loen calitra

Adak hana sikureung sifeut
Hansapeu jeut neupeurupa
Teunyue leumah deungon jahee
Han keuh hasel alam dumna

Jinoe doenya katapandang
Dum sibarang leumah nyata
Nyan keuh dalil kuasa Tuhan
sifeut sikureung wajeb beuna

Nyoe sikureung dilee siblah
Bak jumlah dua ploeh ka
Ohnoe teuduek hoe ji takloek
Hoe ji masoek jinoe takira

Sifeut dua ploeh nam yang takloek
Deungoe buetroek loen calitra
Han bak wajeb ngon mustaheil
Beuthat syathir tafham makna

Bak wajeb han takloek Qudrah
Karna meuhat Wujud kana
Adak takloek Qudrah keunan
Jeut wajeb nyan Jaiez nama

Bak mustaheil pih han takloek
Karna sutoek jih ciet hana
Adak takloek Qudrah keunan
Jih geupeunan jaeiz pula

Adak meunan nyan tapeugah
Takloek jih sah bak mungkin na
Hartoe mungken na dua ban
Meena meetan bak takira

Miseu neupeujeut oleh Allah
Saboh gajah badan raya
Siribee uleu dua ribee gadeng
Hana bandeng dalam doenya

Neuboh sayeub ban geulayang
Ji teureubang lam udara
La ila ha illallah
Kuasa Allahbak geukeurja

Miseu neupeujeut saboh gunong
hireun teuceungong ta-eu rupa
Tanoh jih meuh batee jih intan
Kayee jih ban perak safa

Awan jih perak nyan ladum meuh
Ji-oeh peungeuh ji plueng cahya
Dum na cicem ji teureubang
Ladum intan ladum mina

A`qal teuceungang pikiran dahsyat
Bak buet Qudrat Allah Taala
Mungken bak Poe barang Qudrat
Ilahul Haq hana dua

Ohnoe habeh khabar mungken
Jinoe la-en loen  calitra
Sama` Bashar takloek bak maujud
Get nyang sukuet get nyang kata

Get nyang wajeb get nyang jaeiz
Get nyang haloeh get nyang gasa
Han bak  ma`dum ngon mustaheil
Beuta pikee tabicara

Tiep-tiep nyang na leumah takalon
Meuski tan leumah rupa
Miseu suara nyang bak insan
Miseu bebewan dum aneka

Miseu rasa bak makanan
Pakrie lakuan ta-eu rupa
Meuhat puteh meuhat hitam
Kalon Tuhan nyang meuhingga

Sidom dijak teungoh malam
Lam batee hitam di miyub doenya
Leumah neukalon oleh Tuhan
Bak lakuan mekrie rupa

Nyan na maujud dum pandangan
Buka siku le suara
Wujud nyan tan sekali-kali
Miseu mustaheil nyan biet hana

Neu neudeungoe han neukalon pih tan
Ban dua nyan wujud hana
Sama` Bashar ohnoe keumah
Jinoe loen tamah la-en lom teuma

Ilmu Kalam takloek teulee pat
Deungoe hai sahbat loen calitra
Peurtama bak wajeb dua mustaheil
Keuteulee haseil jaeiz nama

Kalam Tuhan han muepatah
Hana huruf ngon suara
Adak na huruf kalam Tuhan
Ciet ka saban ngon manusia

Bukon `ajam bukon `arab
Han ngon `irab han ngon bahsa
Hana  awai hana dudoe
Hana sapoe mee tapeusa

Abu Kuta Krueng  Salah satu Ulama Karismatik Aceh saat ini

Wa`du iet amar nahi
Kalam Rabbi sikrek saja
Sinan tafham amar nahi
Dum ngon janji Surga Neuraka

Ohnoe habeh khabar Kalam
Ilmu Tuhan pakrie  rupa
Ilmu Tuhan han-ek takeun krie
Neukeutahui dum peurkara
Peulom A`rasy ngon kurusi
Langet bumi habeh nyata
Hana bacut pih na silap
Hana sapat pih han nyata

Nyan deuh neuthee yang han neuteupeu
Han meusileu bak Rabbana
Aneuk batee bandum meubileung
Ie laoet ie krueng meu-oh hingga

Dum bak kayee lam luengkiek glee
Naleung di pantee jeut-jeut doenya
Meuhat hingga meu-oh sukat
Ilmee Hadharat han-ek hinnga

Hana padok uroe malam
Peu buet insan hoe ji cita
Hoe jibalek tuboeh insan
Neutee Tuhan Pue takeurija

La ilha illallah
Hatee ngon lidah bek sagai lupa
Get ngon jeuheut dalam khimah
Oh Qiamah pagee nyata

Soe nyang taat mgeutanyoe
Pagee dudoe lam syiruga
Soe nyang maksiet dum geutanyoe
Pagee dudoe lam nuraka

Oh noe habeh makna Ilmu
Tuhan teupeu dum perkara
Yang nam sifeut takloek meuhat
Sifeut Hayyat bak sineuna

La-en nibak nam takloek jih han
Sifeut Tuhan han ek hingga
Khabar takloek ohnoe simpan
Sipeut Tuhan teu yang Esa

Sifeut dua ploeh meuhimpoen sahoe
Ubak Zat phoe yang maha Kuasa
Daliel saboh madlul saboh
Faham beuteugoh bek meuraba

Alam daliel Allah madlul
Dalam ushul dhaher nyata
Phoen tatumee  daliel bak alam
Teulueh nibak nyan teuma bak Asma

Teuleuh Asma Teuma Sifeut
Dudoe teuma Zat Haq Taala
Tatumee Zat seubab sifeut
Qudrah Iradah alam nyata

Tatumee Sifeut seubab Asma
Nama Tuhan yang mulia
Qadiroen Muridoen Aliman Hayyan
Seubab alam tatumee Asma

Lee boh daliel meutumee bak alam
Haseil nibak tan Daliel Qadira
Yang di doenya nyoe dilee ciet tan
Kuasa Tuhan yang peunyata

Adak hana kuasa Tuhan          mau singgah sebentar disini
Ladum alam hana nyata
Nyang keuh geukheun haseil nibak tan
Daliel qadiran Allah Taala

Nyan ka teuntee daliel muridan
Puteh hitam maseng warna
Rupa neubrie meuhat-meuhat
Hana cacat ta-eu rupa

Nyangka puteh hanjeut hitam
Nyangka agam hanjeut dara
Paneuk pih mee panyang pih mee
Tuhan teuntee meuhat jangka

Nyangka paneuk hanjeut panyang
Maseng timang bak Rabbana
Nyang keuh geukheun daliel Muridan
Maseng tapupoem ta peunyata

Keuteulee teuma perusahan
Daliel AlimanAllah Taala
Rupa binatang hana saban
Misee insan dum hana sa

Dak pih kayee le ban bangon
Misee bungong le ngon warna
Peuna peutan ban buet Qudrat
La-oet darat tapeunyata

Meu-um angen meugrum bakat
Dum buet Qudarat Allah Taala
Itek manok ngang deungon uek
Rimueng badeuk Tuhan peuna

Prang meuhuboe matee pih le
Rakyat tahoe buet Rabbana
Meugrak reudoek meugrum ujeun
Angen teupeun la-oet keunong sa

Khueng suntoek matee ngon uteun
Bandum pucoek krueng habeh loen mata
Langet meulamboeng bumoe meuduloeng
La-oet meulintoeng gunong meulingka

Kuasa Allah han-ek taboh yuem
Deuh bak ureung nyang dikeu mata
Seugala nyoe bandum buet Allah
Neupeuluemah tanda kuasa

Ohnoe habeh makna Qudrah
Jinoe Iradah loen calitra
Maseng tatee buet Iradah
Meuhat-meuhat han meutuka

Nyangka kapee han Islam
Nyangka Jahnam han Syiruga
Nyangka Nabi han keu ummad
Nyangka Rakyat han keuraja

Nyangka geuchiek han keutandiel
Nyagka wakiel han bintara
Nyangka bahgia han keurugoe
Nyangka geupujoe han geuceula

Nyangka alem han keu jahiel
Nyangka fakir hana kaya
Nyangka puteh han keu hitam
Nyangka agam hanjeut dara

Makna Iradah ohnoe dilee
Di Ileumee teuma takira
Pue urusan daliel Ileumu
La-en laku neupeurupa

Bangon neuboh rupa le ban
Misee insan dum hana sa
Maseng kawoem maseng nisab
Ladum `Arab ladum jawa

Nyangka Arab han keu jawoe
Le that bagoe La-en pih na
Rupa binatang le ban neuboeh
Tanda utoeh Allah Taala

Bangon siwah han misee leuk
Bangon burujuek han cempala
Bangon keubeu han sang leumoe
Biri-biri bangon han sang unta

Bangon syagok han silutoeng
Bangon seudoeng han sang nika
Misee kayee le ban laku
Tuhan teuntu macam rupa

Bangon pineung han sang bayah
Bangon birah han sang kala
Bangon bak u han sang urot
Bangon bak jrot han sang buga

meunan keuh dum peusoalan
Daliel Tuhan alam raya
Oh noe habeh makna Ilmu
Daliel jih le loen peunyata

Di Qadiroen daliel qudrat
Meunan meuhat tabicara
Di Muridoen daliel Iradat
Meunan sahbat tafham makna

Daliel `Alimon daliel Ilmee
Meunan nyang mee Tapeucaya
Daliel Iradah daliel Hayyoen
Keunan meuhimpoen saboh tanda

Teuma Hayyoen daliel Hayyat
Teuma bak Zat Hak Taala
Zat ngon Sifat meunghimpoen  saboh
Fham beuteugoh kheun Ulama

Ashshifatu Walmaushufu Wahid
Meunan Tsabiet tapufham makna
Zat ngon Sifeut meunghimpoen saboh
Fham beuteugoh dalam dada

Hartoe Zat nyang dong keudroe
Hana sapeu hajat jih na
Hartoe Sifat nyan na hajat
Jidong bak Zat nantiasa

Biet pih meunan hantom crebre
Jijak sabee sajan dua
Oh kana Zat na lee sifeut
Han meuruboet dudoe  tika

Miseu la-oet ban ngon aloen
Qaeim meuhimpoen sajan dua
Nyan keuh loen kheun mafhom saboh
Fham beuteugoh bek meuriba

bak meunan sifeut dum daliel Zat
Leungkap samad alam doenya
Karena Tuhan neupeu mejeut
ngon Sifeut peut haseil nyata

Adak kureung saboh sifeut
Syarat peumjeut han samporna
Meuhan samporna syarat peumujeut
Han hasel buet alam doenya

Saboh syarat beuna Hayyat
Ureung matee buet jih hana
Bek keu nabuet meugrak pihtan
Hanpeu toulan tabicara

Keudua syarat beuna Ilmu
Ureung dungoe utoeh hana
Hanji tukrie peuhaseil buet
Han sapeu jeut kira-kira

Kayee teuboh rumoh hanjeut
Patah ngon peut cumeh mata
Meunan keuh tamsee bak makhluk
Nyan sabee duet dalam doenya

Keuteulee syarat beuna Iradat
Supaya meuhat buet takeurija
Ureung han keundak buet han hasee
Hanji tukrie jibicara

Keupeut syarat beuna qudrat
Ureung leumoh that han kuasa
Jih hana ek jipubuet buet
Badan pijuet tuboeh laqsa

Tuhan geutanyoe Khalqul alam
Sifeut seukalian dum sampona
Adak neupeuna ek neupeutan
Dum seukalian alam doenya

Nyan keuh seubab tathee na Tuhan
Seubab alam dum kanyata
Nyang keuh alam jeut keudalel
Tuhan ku Rabbi mat leluasa

La ila haillallah
Pujoe Allah Tuhan yang Esa
Pasal dua ohnoe simpan
Nyang keulee toulan jinoe takira

Pasal ke III klik disini